Հուշեր Չարենցի մասին
Ռ . Ղազարյան
Ես կարդացի Ռ. Ղազարյանի հուշերը Չարենցի մասին։ Շատ հետաքրքիր էր։ Ես մտածում եմ, որ այս պատմությունը կարող էր շատ հետաքրքիր ֆիլմի սցենար դառնալ։ Ռ.Ղազարյանը պատմում է, թե ոնց է ինքը 15 տարեկանում հանդիպել Եղիշե Չարենցին ու դարձել նրա հավատարիմ և անբաժան ընկերը։ Ինձ համար շատ տպավորիչ էր այն հատվածը, երբ Չարենցի կինը֊ Իզաբելլան լվանում է նրա բանտից ուղարկած վերնաշապիկը և նկատում քիմիական մատիտով գրված տողերը այն մասին որ Չարենցը իր ձեռագրերը պահելու համար վստահում է միայն Ռեգինային։
Ես կարծում եմ Չարենցը մտածել է, որ Ռեգինային չեն կասկածի, քանի որ նա փոքր էր և շատ հայտնի մարդ չէր։ Այնուամենայնիվ, Ռեգինան պետք է որ շատ ուժեղ ու համարձակ լիներ, որ կարողանար փրկեր Չարենցի ձեռագրերը և բարեբախտաբար դա իրեն հաջողվում է։
Ռեգինան նաև բնութագրում է Չարենցին։ Մենք իմանում ենք, որ Չարենցը շատ մաքրասեր մարդ է եղել, սիրել է գեղեցիկ իրեր ունենալ, նա սիրում էր ուկրիանական բորշչ, մածուն, մածունից թան էր պատրաստում երբեմն, սիրում էր տանձ և կոնյակ ու բաստուրմա։ Նա երբեմն թասակ էր դնում գլխին։
Ես նաև դիտեցի այս ֆիլմը Չարենցի մասին։
Արեգ Քեշիշյանի Ուսումնական Բլոգ 